- 專輯介紹
- 歌詞
- 專輯列表
- 歌手介紹
朱頭皮(Pigheadskin)
-
偉大的教官
作詞:林良哲 作曲:朱約信 編曲:朱約信
騎著烏多歹經過木柵 看著一陣工業學校的囝仔 日頭正中曝甲欲變魚乾 面色反白 腳手孬孬踹
佇裀頭前企一個教官 大聲細聲咧對裀喝 講恁遮咧四界破壞學校的名聲 穿衣不合規定 攏總是歹仔
啊~~~ 偉大的教官 十七八歲的少年囝仔予你當作布袋戲咧搬 啊~~~ 偉大的教官 你的話裀著照行 若無…啊 你毋愛命呀
騎著烏多歹經過木柵 看著一陣工業學校的囝仔 日頭正中曝甲欲變烏焦 面色反青 一幅尿禁甲膀胱強欲崩破
啊 偉大的教官 做人的道理甘著你來教 學校請彼囉先生到底是欲創啥 自由的思想你甘知是啥物件
好膽你就去甲彼邊的阿共仔拼 毋通佇遮 糟蹋台灣的囝仔 緊退出校園 返去軍隊再來逞贏
騎著烏多歹經過木柵 彼間學校毋知叫啥名 對彼落 光復 一直到今嘛 台灣的各間學校 攏有教官
偉大的教官 偉大的狗官 偉大的教官 偉大的狗仔官
擔是彼咧教官 亦是狗官 擔你是彼囉教官 亦是狗官 同款啦
------------------------------------------------
《偉大的教官》 Uí-tāi ê Kàu-kuann
朱頭皮(Pigheadskin) Tsu Thâu-phuê/Ti Thâu-phuê
騎著oo-tóo-bái經過木柵 Khiâ-tio̍h oo-tóo-bái king-kuè Ba̍k-sa 看著一陣工業學校的囡仔 Khuànn-tio̍h tsi̍t-tīn kang-gia̍p ha̍k-hāu ê gín-á 日頭正中曝甲欲變魚乾 Ji̍t-thâu tsiànn-tiong pha̍k kah beh piàn hî-kuann 面色反白 跤手擽擽掣 Bīn-sik huán-pe̍h, kha-tshiú ngiau-ngiau-tshuah
更多更詳盡歌詞 在 ※ Mojim.com 魔鏡歌詞網 佇𪜶頭前徛一个教官 Tī in thâu-tsîng khiā tsi̍t-ē kàu-kuann 大聲細聲咧對𪜶喝 Tuā-siann-sè-siann leh tuì in huah 講恁遮 四界破壞學校的名聲 Kóng lín tsia, sì-kè phò-huāi ha̍k-hāu ê miâ-siann 穿衫不合規定 攏總是歹囝 Tshīng sann bô ha̍h kui-tīng, lóng-tsóng sī pháinn-kiánn 啊~ 偉大的教官 Ah~ uí-tāi ê kàu-kuann 十七八歲的少年囡仔予你當作布袋戲咧搬 Tsa̍p-tshit-peh huè ê siàu-liân gín-á hōo lí tòng-tsò pòo-tē-hì leh puann 啊~ 偉大的教官 Ah~ uí-tāi ê kàu-kuann 啊你的話𪜶著照行 若無……啊你無愛命矣! Ah, lí ê uē in tio̍h tsiàu kiânn, nā-bô...ah lí bô-ài miā--ah!
騎著oo-tóo-bái經過木柵 Khiâ-tio̍h oo-tóo-bái king-kuè Ba̍k-sa 看著一陣工業學校的囡仔 Khuànn-tio̍h tsi̍t-tīn kang-gia̍p ha̍k-hāu ê gín-á 日頭正中曝甲欲變烏焦 Ji̍t-thâu tsiànn-tiong pha̍k kah beh piàn oo-ta 面色反青 啊一垺尿禁甲膀胱強欲煏破 Bīn-sik huán-tshinn, ah tsi̍t-pû jiō kìm kah phông-kong kiōng-beh piak-phuà
啊~ 偉大的教官 Ah~ uí-tāi ê kàu-kuann 啊做人的道理敢著你來教 Ah tsò-lâng ê tō-lí kám tio̍h lí lâi kà
學校請彼號先生到底是欲創啥 Ha̍k-hāu tshiánn hit-lō sia̋n-sénn tàu-té sī beh tshòng siánn 自由的思想啊 啊你敢知是啥物件 Tsū-iû ê su-sióng--ah, ah lí kám tsai sī siánn mi̍h-kiānn 好膽你就去佮彼爿的阿共仔拚 Hó-tánn lí tio̍h khì kah hit-pîng ê a-kiōng-á piànn 毋通佇遮蹧躂台灣的囡仔 M̄-thang tī tsia tsau-that Tâi-uân ê gín-á 緊退出校園 啊轉去軍隊才來奢颺 Kín thè-tshut hāu-hn̂g, ah tńg-khì kun-tuī tsiah lâi tshia-iānn
騎著oo-tóo-bái經過木柵 Khiâ-tio̍h oo-tóo-bái king-kuè Ba̍k-sa 啊彼間學校毋知叫啥名 Ah hit-king ha̍k-hāu m̄-tsai kiò siánn miâ 啊對彼號光復一直到這馬 Ah tuì hit-lō kong-ho̍k it-ti̍t kà tsit-má 台灣的逐間學校 攏有教官 Tâi-uân ê ta̍k-king ha̍k-hāu, lóng ū kàu-kuann
啊偉大的教官 偉大的狗官 Ah uí-tāi ê kàu-kuann, uí-tāi ê káu-kuann 偉大的教官 偉大的狗仔官 Uí-tāi ê kàu-kuann, uí-tāi ê káu-á-kuann
今是彼號教官抑是狗官 Tann sī hit-lō kàu-kuann, ia̍h-sī káu-kuann 今你是彼號教官抑是狗官……同款啦! Tann lí sī hit-lō kàu-kuann, ia̍h-sī káu-kuann...Kâng-khuán--lah!
- 感謝 Oomaa 修正歌詞
- 友站連結: 教育部臺語常用詞辭典
|