- 歌詞
- 專輯列表
鄭琇月
-
咱的好寶塔
作詞:小人物 作曲:江湖賣藥仔調
18974/《咱的好寶島》Lán ê Hó Pó-tó 鄭琇月Tēnn Siù-gua̍t
我來唸歌囉 guá lâi liām-kua--loh 予恁聽啊咿 hōo lín thiann--ah-ih 無欲抾錢啊 bô beh khioh-tsînn--ah 免著驚啊欸 bián tio̍h-kiann--ah-eh
欲講是咱的好寶島 beh kóng sī lán ê hó pó-tó 獨一無二啊 to̍k-it bû-jī--ah 世間無啊欸 sè-kan bô--ah-eh
政府做事囉 tsìng-hú tsuè-sū--loh 人呵咾咿 lâng o-ló--ih 士農工商啊 sū-lông kong-siong--ah 人人和啊欸 lâng-lâng hô--ah-eh 建設商港閣佇蘇澳 kiàn-siat siong-káng koh tī Soo-ò 蘭陽地區利益多 Lân-iông tē-khu lī-ik to 咿~ih~
高速公路啊 ko-sok kong-lōo--ah 北到南哩 pak kàu lâm--lih 坐在車內啊 tsē tsāi tshia-lāi--ah 真輕鬆啊欸 tsin khin-sang--ah-eh 工業發展 kang-gia̍p huat-tián 是煉鋼廠 sī liān-kǹg-tshiúnn 再造桃園大機場啊欸 tsài-tsō Thô-hn̂g tuā ki-tiûnn--ah-eh
高雄再造囉 Ko-hiông tsài-tsō--loh 造船廠咿 tsō-tsûn-tshiúnn--ih 外國大船啊 更多更詳盡歌詞 在 ※ Mojim.com 魔鏡歌詞網 guā-kok tuā tsûn--ah 駛來修啊咧 sái lâi siu--ah-leh 金山嘛有發電廠 Kim-san mā ū huat-tiān-tshiúnn 電力充足 tiān-li̍k tshiong-tsiok 免憂愁 bián iu-tshiû 咿~ih~
鐵路通到囉 thih-lōo thang kàu--loh 花蓮港咿 Huê-liân-káng--ih 予人方便啊 hōo-lâng hong-piān--ah 到臺東啊欸 kàu Tâi-tang--ah-eh 火車欲行是用電氣 hué-tshia beh kiânn sī iōng tiān-khì 臺北高雄三小時啊欸 Tâi-pak Ko-hiông sann sió-sî--ah-eh
閣造石油囉 koh tsō tsio̍h-iû--loh 來化工咿 lâi huà-kang--ih 第一完成啊 tē-it uân-sîng--ah 頭一項啊欸 thâu tsi̍t-hāng--ah-eh 人工造成的梧棲港 lâng-kang tsō-sîng ê Gôo-tshe-káng 船隻順風 tsûn-tsiah sūn-hong 一片帆啊欸 it-phiàn phâng--ah-eh
奉公守法囉 hōng-kong siú-huat--loh 在寶島哩 tsāi pó-tó--lih 安居樂業啊 an-ki lo̍k-gia̍p--ah 免驚無啊咧 bián-kiann bô--ah-leh 政府恩情咱著報 tsìng-hú un-tsîng lán tio̍h pò 行行業業 hâng-hâng-gia̍p-gia̍p 一片和 it-phiàn hô 咿~ih~
- 感謝 W.B. Chen 提供歌詞
- 友站連結: W.B. Chen
|