- 專輯介紹
- 歌詞
- 專輯列表
- 歌手介紹
邵大倫
-
八音之歌
作詞:武雄 作曲:武雄
我欲來唱一首台語歌 將台語的八音唱予恁聽 聲調的懸低是有增差 請逐家綴我來唱予大聲
君滾棍骨 君滾棍骨 群滾郡滑 群滾郡滑 七聲八調 愛唱予伊標準 孫筍舜捽 孫筍舜捽 純損順術 純損順術 古早古早 就流傳到這陣
我欲來唱一首台語歌 講八音的學問是有夠大 歌詞佮旋律若鬥無密 聽起來就會重耽 伊是我的一生 毋是醫死我的醫生 一但若唱對顛倒音 意思就會走精
柳邊求去地 波他曾入時 英門語出喜 咱來學台語
我欲來唱一首台語歌 講八音的學問是有夠大 聲調是隨時會起變化 請逐家做伙來詳細聽
風吹風吹是兩隻風吹 風吹風吹是陣陣風咧吹 譯:(風箏風箏是兩隻風箏)(風吹風吹是陣陣風在吹) 風吹風吹是風咧吹風吹 風吹風吹是風吹予風吹 譯:(風吹風箏是風在吹風箏)(風箏風吹是風箏被風吹)
咱攏來唱這首台語歌 將台語的八音唱予逐家聽 歌好意闊 歌好意闊 詞媠字活 詞媠字活 清清楚楚 足有感覺 歌好意闊 歌好意闊 詞媠字活 詞媠字活 好唱好聽 感恩感謝
------------------------------------------
20344/《八音之歌》Pat-im tsi Kua 邵大倫Siō Tāi-lûn
我欲來 guá beh lâi 唱一首臺語歌 tshiùnn tsi̍t-siú Tâi-gí kua 將臺語的八音 tsiong Tâi-gí ê pat-im 唱予恁聽 tshiùnn hōo lín thiann 聲調的懸低 siann-tiāu ê kuân-kē 是有精差 sī ū tsing-tsha 請逐家 tshiánn ta̍k-ke 綴我來唱予大聲 tuè guá lâi tshiùnn hōo tuā-siann
君滾棍骨 kun kún kùn kut 君滾棍骨 kun kún kùn kut 群滾郡滑 kûn kún kūn ku̍t 群滾郡滑 kûn kún kūn ku̍t 七聲八調 tshit-siann peh-tiāu 愛唱予伊標準 ài tshiùnn hōo i piau-tsún
孫筍舜捽 sun sún sùn sut 孫筍舜捽 sun sún sùn sut 純損順術 sûn sún sūn su̍t 純損順術 sûn sún sūn su̍t 古早古早 kóo-tsá kóo-tsá 就流傳到這陣 tiō liû-thuân kàu tsit-tsūn
我欲來 guá beh lâi 唱一首臺語歌 tshiùnn tsi̍t-siú Tâi-gí kua 講八音的學問 kóng pat-im ê ha̍k-būn 是有夠大 sī ū-kàu tuā 歌詞佮旋律 kua-sû kah suân-lu̍t 若鬥無峇 nā tàu bô bā 更多更詳盡歌詞 在 ※ Mojim.com 魔鏡歌詞網 聽起來 thiann--khí-lâi 就會重耽 tiō ē tîng-tânn
伊是我的一生 i sī guá ê it-sing 毋是醫死我的醫生 m̄-sī i sí guá ê i-sing 一旦若唱對顛倒音 it-tàn nā tshiùnn tuì tian-tó im 意思就會走精 ì-sù tiō ē tsáu-tsing
柳邊求去地 liú pian kiû khì tē 波他曾入時 pho thann tsing ji̍p sî 英門語出喜 ing bûn gí tshut hí 咱來學臺語 lán lâi o̍h Tâi-gí
我欲來 guá beh lâi 唱一首臺語歌 tshiùnn tsi̍t-siú Tâi-gí kua 講八音的學問 kóng pat-im ê ha̍k-būn 是有夠大 sī ū-kàu tuā 聲調是 siann-tiāu sī 隨時會起變化 suî-sî ē khí piàn-huà 請逐家做伙 tshiánn ta̍k-ke tsuè-hué 來詳細聽 lâi siông-sè thiann
風吹風吹 hong-tshue hong-tshue 是兩隻風吹 sī nn̄g-tsiah hong-tshue 風吹風吹 hong tshue hong tshue 是陣陣風咧吹 sī tsūn-tsūn hong leh tshue 風吹風吹 hong tshue hong-tshue 是風咧吹風吹 sī hong leh tshue hong-tshue 風吹風吹 hong-tshue hong tshue 是風吹予風吹 sī hong-tshue hōo hong tshue
咱攏來 lán lóng lâi 唱這首臺語歌 tshiùnn tsit siú Tâi-gí kua 將臺語的八音 tsiong Tâi-gí ê pat-im 唱予逐家聽 tshiùnn hōo ta̍k-ke thiann 歌好 kua hó 意闊 ì khuah 歌好意闊 kua hó ì khuah 詞媠 sû suí 字活 jī ua̍h 詞媠字活 sû suí jī ua̍h 清清楚楚 tshing-tshing-tshóo-tshóo 足有感覺 tsiok ū kám-kak
歌好 kua hó 意闊 ì khuah 歌好意闊 kua hó ì khuah 詞媠 sû suí 字活 jī ua̍h 詞媠字活 sû suí jī ua̍h 好唱好聽 hó tshiùnn hó-thiann 感恩感謝 kám-un kám-siā
- 感謝 W.B. Chen Chen 修正歌詞
- 友站連結: W.B. Chen
|