- 歌詞
- 專輯列表
- 歌手介紹
廖博儀
-
我係快樂的頂客(DINK)族
作詞:廖博儀 作曲:廖博儀 編曲:趙伯乾 演唱:YiYi
(A) 厝邊惜子ㄟ董媽媽,善良骨力擱勤儉, 為著家庭真操煩,身材走鐘乎尪嫌, 伊上疼痛的寶貝啊子,逐工胡亂開錢嘸去討賺, 大家勸伊毋通擱眠夢,上驚夢醒一場空, 但是伊猶原秧夢殷子賺錢轉來乎伊的彼一工。
(B) 阮結婚到今幾落冬,生活如意擱輕鬆, 尚愛遊山甲玩水,喝一杯咖啡品一個香, 倆ㄟ人的薪水,月初領、月底嘟好空空, 這款自在的日子,無人攪吵嘛無真濟的願望, 雙人的世界有阮ㄟ愛情一直到永遠。
啊~等待抱孫的世大,請您會凍原諒我, 今嘛社會真競爭、是非分不清, 囝仔一來出世就有問題來發生。 啊~等待抱孫的世大,請您會凍原諒我, 人生的價值不是只有傳宗接代。
DINK DINK DINK 我係快樂的頂客族(國語) 簡單的生活就是幸福(國語)
啊~等待抱孫的世大,請您會凍原諒我, 咱的政府政策歹、教育真失敗, 這款ㄟ問題毋通乎囝仔來擔。 啊~等待抱孫的世大,請您會凍原諒我, 人生的價值不是只有傳宗接代。
DINK DINK DINK 我係快樂的頂客族(國語) 簡單的生活就是幸福(國語)
------------------------------------------
21018/《我是快樂的頂客族》Guá Sī Khuài-lo̍k ê Dǐngkèzú 廖博儀Liāu Phok-gî
厝邊惜囝的董媽媽 tshù-pinn sioh-kiánn ê Dǒngmāmā 善良骨力閣勤儉 siān-liông kut-la̍t koh khîn-khiām 為著家庭真操煩 uī-tio̍h ka-tîng tsin tshau-huân 身材走精予翁嫌 sin-tsâi tsáu-tsing hōo ang hiâm
伊上疼痛的寶貝仔囝 i siōng thiànn-thàng ê pó-puè-á-kiánn 逐工烏白開錢 ta̍k-kang oo-pe̍h khai-tsînn 毋去討趁 m̄ khì thó-thàn 逐家勸伊 ta̍k-ke khǹg i 毋通閣眠夢 m̄-thang koh bîn-bāng 上驚夢醒 siōng kiann bāng-tshínn 一場空 tsi̍t-tiûnn khang 但是伊猶原向望 tān-sī i iu-guân ǹg-bāng 怹囝趁錢轉來 in kiánn thàn-tsînn tńg-lâi 予伊的彼一工 hōo i ê hit-tsi̍t-kang
阮結婚到這陣幾若冬 gún kiat-hun kah tsín kuí-lō tang 生活如意閣輕鬆 sing-ua̍h jû-ì koh khin-sang 上愛遊山佮玩水 siōng ài iû-san kah uán-suí 啉一杯咖啡 lim tsi̍t-pue ka-pi 鼻一个芳 phīnn tsi̍t-ê phang
兩个人的薪水 nn̄g-ê lâng ê sin-suí 月初領 ge̍h-tshe niá 更多更詳盡歌詞 在 ※ Mojim.com 魔鏡歌詞網 月底拄好空空 ge̍h-té tú-hó khang-khang 這款自在的日子 tsit khuán tsū-tsāi ê ji̍t-tsí 無人攪吵 bô-lâng kiáu-tshá 嘛無真濟的願望 mā bô tsin tsē ê guān-bāng 雙人的世界 siang-lâng ê sè-kài 有阮的愛情 ū gún ê ài-tsîng 一直到永遠 it-ti̍t kàu íng-uán
啊~等待抱孫的序大 ah~ tán-thāi phō sun ê sī-tuā 請你會當原諒我 tshiánn lí ē-tàng guân-liōng guá 這馬社會真競爭 tsit-má siā-huē tsin kīng-tsing 是非分袂清 sī-hui hun bē-tshing 囡仔一來出世 gín-á tsi̍t lâi tshut-sì 就有問題來發生 tō ū būn-tê lâi huat-sing
啊~等待抱孫的序大 ah~ tán-thāi phō sun ê sī-tuā 請你會當原諒我 tshiánn lí ē-tàng guân-liōng guá 人生的價值 jîn-sing ê kè-ta̍t 毋是只有傳宗接代 m̄-sī tsí-ū thuân-tsong tsiap-tāi
Dink Dink Dink 我是快樂的頂客族 guá sī khuài-lo̍k ê Dǐngkèzú 簡單的生活 kán-tan ê sing-ua̍h 就是幸福 tiō-sī xìngfú
Dink Dink Dink 我是快樂的頂客族 guá sī khuài-lo̍k ê Dǐngkèzú 簡單的生活 kán-tan ê sing-ua̍h 就是幸福 tiō-sī xìngfú
啊~等待抱孫的序大 ah~ tán-thāi phō sun ê sī-tuā 請你會當原諒我 tshiánn lí ē-tàng guân-liōng guá 咱的政府政策䆀 lán ê tsìng-hú tsìng-tshik bái 教育真失敗 kàu-io̍k tsin sit-pāi 這款的問題 tsit khuán ê būn-tê 毋通予囡仔來擔 m̄-thang hōo gín-á lâi tann
啊~等待抱孫的序大 ah~ tán-thāi phō sun ê sī-tuā 請你會當原諒我 tshiánn lí ē-tàng guân-liōng guá 人生的價值 jîn-sing ê kè-ta̍t 毋是只有傳宗接代 m̄-sī tsí-ū thuân-tsong tsiap-tāi
Dink Dink Dink 我是快樂的頂客族 guá sī khuài-lo̍k ê Dǐngkèzú 簡單的生活 kán-tan ê sing-ua̍h 就是幸福 tiō-sī xìngfú
Dink Dink Dink 我是快樂的頂客族 guá sī khuài-lo̍k ê Dǐngkèzú 簡單的生活 kán-tan ê sing-ua̍h 就是幸福 tiō-sī xìngfú
- 感謝 W.B. Chen 修正歌詞
- 友站連結: W.B. Chen
|