- Album Intro
- Lyrics
- Album list
- Singer Intro
張三李四
-
劫
feat. 曹雅雯
Lyricist：武雄
Composer：張三、鍾興民
彼天舊曆七月初七 拄好他有排到放假
打一張思念的車票 欲回去看他的某囝
自從兩人結婚至今 他就因為任務出外
親像牛郎織女 毋是逐工作伴
最近外面傳來風聲 壞人欲提他的性命
驚會拖累厝內大小 毋敢通知乎(亻因)知影
只好躲在廟口偷看 偷看他某去拜娘母
誰知囡仔一個越頭 雄雄叫一聲阿爸
人生啊人生 命運啊命運
天公伯啊 到底是為按怎
隔轉天新聞報真大 一聲阿爸
斷送他某囝性命
僥倖啊僥倖 心痛啊心痛
天公伯啊 敢正經有在看
看伊身驅 亦擱塊行
但是靈魂 早就已經躺平
彼天新曆八月初八 他提燒酒來到墓地
避開清明掃墓的人 專工來拜他的老爸
會記彼年的父親節 頂面打來一通電話
叫他阿爸去抓壞人 誰知從此一去不回
他的心痛欲如何體會 他的心願會使人敬佩
相信世間要有黑白 決心追隨他的老爸
壞人知影毋放伊過 早就派人四界走找
當伊舉杯敬伊老爸 陣陣槍聲叫醒天地
人生啊人生 命運啊命運
天公伯啊 到底是為按怎
隔轉天的新聞報真大
一粒銃子 結束了伊的生命
僥倖啊僥倖 心痛啊心痛
天公伯啊 敢正經有塊看
看他的身驅 倒踮佇彼
但是靈魂 擱在佮壞人車拚
彼天正是九月初九 一座靈堂設佇他家
相片的人真正緣投 一別千古告別今朝
經文邊唸哀樂邊奏 拈香的人目屎邊流
禮生引導禮成之後 大厝就要離開他家
伊的老母已經年老 一支枴仔邊摃邊吼
我的心肝你真不孝 我還沒死你就先走
陣陣鼓吹沿路帶頭 長長的路叫誰捀斗
英年早逝音容渺渺 一步一步送上山頭
人生啊人生 命運啊命運
天公伯啊 到底是為按怎
隔轉天新聞並無寫
一個英雄 犧牲了伊的性命
僥倖啊僥倖 心痛啊心痛
天公伯啊 你若有靈有聖
你講乎我聽 你講乎我聽
黑白是非到底欲叫誰審判
正義兩字 到底欲按怎寫
------------------------------------------
22639/《劫》Kiap
張三李四樂團Tiunn-sam Lí-sù Ga̍k-thuân
曹雅雯Tsô Ngá-bûn
彼工舊曆七月初七
hit-kang kū-li̍k tshit-gue̍h tshe-tshit
拄好伊有排著放假
tú-hó i ū pâi tio̍h pàng-ká
拍一張思念的車票
phah tsi̍t-tiunn su-liām ê tshia-phiò
欲轉去看伊的某囝
beh tńg-khì khuànn i ê bóo-kiánn
自從兩人結婚到今
tsū-tsiông nn̄g-lâng kiat-hun kàu-tann
伊就因為任務出外
i tiō in-uī jīm-bū tshut-guā
親像牛郎織女
tshin-tshiūnn Gû-nn̂g Tsit-lú
毋是逐工做伴
m̄-sī ta̍k-kang tshuè-phuānn
最近外面傳來風聲
tsuè-kīn guā-bīn thuân-lâi hong-siann
歹人欲挃伊的性命
pháinn-lâng beh ti̍h i ê sìnn-miā
驚會拖累厝內大細
kiann ē thua-luī tshù-lāi tuā-sè
毋敢通知予怹知影
m̄-kánn thong-ti hōo in tsai-iánn
只好覕踮廟口偷看
tsí-hó bih tiàm biō-kháu thau-khuànn
偷看怹某去拜娘媽
thau-khuànn in bóo khì pài niû-má
誰知囡仔一下越頭
siáng tsai gín-á tsi̍t-ē ua̍t-thâu
雄雄叫一聲阿爸
hiông-hiông kiò tsi̍t-siann a-pah
人生啊人生
jîn-sing--ah jîn-sing
運命啊運命
ūn-miā--ah ūn-miā
天公伯仔
thinn-kong-peh--á
到底是為按怎
tàu-té sī uī-án-tsuánn
隔轉工新聞報真大
keh-tńg-kang sin-bûn pò tsin tuā
一聲阿爸
tsi̍t-siann a-pa
斷送怹某囝性命
tn̄g-sàng in bóo-kiánn sìnn-miā
僥倖喔僥倖
hiau-hīng--ooh hiau-hīng
心疼啊心疼
sim thiànn--ah sim thiànn
天公伯仔
thinn-kong-peh--á
敢正經有咧看
kám tsìng-king ū leh khuànn
我看伊的身軀
guá khuànn i ê sin-khu
猶閣咧行
iáu-koh leh kiânn
但是靈魂
tān-sī lîng-hûn
早已經落車
tsá í-king lo̍h-tshia
↓↓(RAP)---(RAP)↓↓
彼工新曆八月初八
hit-kang sin-li̍k peh-gue̍h tshe-peh
伊捾燒酒來到墓地
i kuānn sio-tsiú lâi-kàu bōng-tē
Find more lyrics at ※ Mojim.com
避開清明掃墓的人
phiah-khui tshing-bîng sàu-bōng ê lâng
專工來拜伊的老爸
tsuan-kang lâi pài i ê lāu-pē
會記得彼年的父親節
ē-kì-tit hit-nî ê hū-tshin-tsiat
頂面敲來一通電話
tíng-bīn khà lâi tsi̍t-thong tiān-uē
叫怹阿爸去掠歹人
kiò in a-pah khì lia̍h pháinn-lâng
誰知從此一去不回
siáng tsai tsiông-tshú tsi̍t-khì put-huê
伊的心疼如何體會
i ê sim-thiànn jû-hô thé-huē
伊的心願使人敬佩
i ê sim-guān sú-lâng kìng-puē
相信世間愛有烏白
siong-sìn sè-kan ài ū oo-pe̍h
決心綴伊的老爸
kuat-sim tuè i ê lāu-pē
歹人知影毋放伊過
pháinn-lâng tsai-iánn m̄ pàng i kuè
早就派人四界走揣
tsá tiō phài lâng sì-kè tsáu-tshuē
當伊捀杯敬怹老爸
tng i phâng pue kìng in lāu-pē
陣陣銃聲叫醒天地
tsūn-tsūn tshìng-siann kiò-tshínn thinn-tē
↑↑(RAP)---(RAP)↑↑
人生啊人生
jîn-sing--ah jîn-sing
運命啊運命
ūn-miā--ah ūn-miā
天公伯仔
thinn-kong-peh--á
到底是為按怎
tàu-té sī uī-án-tsuánn
↓↓(RAP)---(RAP)↓↓
隔轉工的新聞
keh-tńg-kang ê sin-bûn
報真大
pò tsin tuā
真大
tsin tuā
一粒銃子
tsi̍t-lia̍p tshìng-tsí
結束了伊的性命
kiat-sok liáu i ê sìnn-miā
↑↑(RAP)---(RAP)↑↑
僥倖喔僥倖
hiau-hīng--ooh hiau-hīng
心疼啊心疼
sim thiànn--ah sim thiànn
天公伯仔
thinn-kong-peh--á
敢正經有咧看
kám tsìng-king ū teh khuànn
↓↓(RAP)---(RAP)↓↓
我看伊的身軀
guá khuànn i ê sin-khu
倒踮佇遐
tó tiàm tī hia
但是靈魂
tān-sī lîng-hûn
閣咧佮歹人捙拚
koh leh kah pháinn-lâng tshia-piànn
↑↑(RAP)---(RAP)↑↑
↓↓(RAP)---(RAP)↓↓
彼工正是九月初九
hit-kang tsiànn-sī káu-gue̍h tshe-káu
一座靈堂設佇怹兜
tsi̍t-tsō lîng-tn̂g siat tī in tau
相片的人真正緣投
siòng-phìnn ê lâng tsin-tsiànn iân-tâu
一別千古告別今朝
it-pa̍t tshian-kóo kò-pia̍t kim-tiau
經文那唸哀樂那奏
king-bûn ná liām ai-ga̍k ná tsàu
拈香的人目屎那流
liam-hiunn ê lâng ba̍k-sái ná lâu
禮生引導禮成以後
lé-sing ín-tō lé-sîng í-āu
大厝就欲離開怹兜
tuā-tshù tiō beh lī-khui in tau
伊的老母已經年老
i ê lāu-bú í-king nî-lāu
一支枴仔那摃那吼
tsi̍t-ki kuái-á ná kòng ná háu
我的心肝仔你真不孝
guá ê sim-kuann-á lí tsin put-hàu
我猶未死你就先走
guá iáu-buē sí lí tō sing tsáu
陣陣鼓吹沿路𤆬頭
tsūn-tsūn kóo-tshue iân-lōo tshuā-thâu
長長的路叫誰捀斗
tn̂g-tn̂g ê lōo kiò siáng phâng-táu
英年早失音容渺渺
ing-liân tsá-sit im-iông biáu-biáu
一步一步送上山頭
tsi̍t-pōo-tsi̍t-pōo sàng-tsiūnn suann-thâu
↑↑(RAP)---(RAP)↑↑
人生啊人生
jîn-sing--ah jîn-sing
運命啊運命
ūn-miā--ah ūn-miā
天公伯仔
thinn-kong-peh--á
到底是為按怎
tàu-té sī uī-án-tsuánn
↓↓(RAP)---(RAP)↓↓
隔轉工新聞並無寫
keh-tńg-kang sin-bûn pīng bô siá
一个英雄
tsi̍t-ê ing-hiông
犧牲了伊的性命
hi-sing liáu i ê sìnn-miā
↑↑(RAP)---(RAP)↑↑
僥倖喔僥倖
hiau-hīng--ooh hiau-hīng
心疼啊心疼
sim thiànn--ah sim thiànn
天公伯仔
thinn-kong-peh--á
你若有靈有聖
lí nā ū-lîng ū-siànn
請你講予我聽
tshiánn lí kóng hōo guá thiann
你講予我聽
lí kóng hōo guá thiann
烏白是非
oo-pe̍h sī-hui
到底欲叫誰審判
tàu-té beh kiò siáng sím-phuànn
正義兩字
tsìng-gī nn̄g-jī
到底欲按怎寫
tàu-té beh án-tsuánn siá
- Special thanks to 55688 5678 W.B. Chen for correcting the lyric.
- Related Links： W.B. Chen
|
