- 歌詞
- 專輯列表
- 歌手介紹
劉福助
-
出外人
作詞:游國謙 作曲:陳彼得
流浪著異鄉城市 算來已經有三年 怎樣我每日怨嘆 頭路沒當照順序 年老爸爸媽媽呦 你怎樣的過日 想著我又滿腹悲傷 目屎淡目墘
※故鄉時常寫批來叫我返去 但是我...我總是不願返去啦 無論庵怎樣 我要擱奮鬥下去 不相信我永遠沒搭著好的機會
我靠著男兒意志 著愛出外求財利 想不到異鄉風霜 冷凍著我的熱意 年老爸爸媽媽呦 你不可來傷悲 總是我也擱再努力 擱再拚下去
看破著心愛伴侶 避開初戀溫柔伊 甘願來流浪異鄉 過著寂寞的春天 年老爸爸媽媽呦 你好好過日子 等待我若搭著機會 加倍孝順你
------------------------------------------
12503/《出外人》Tshut-guā-lâng 劉福助Lâu Hok-tsōo
流浪著異鄉城市 liû-lōng tio̍h ī-hiong siânn-tshī 算來已經有三年 sǹg--lâi í-king ū sann-nî 怎樣我每日怨嘆 tsuánn-iūnn guá muí-ji̍t uàn-thàn 頭路袂當照順序 thâu-lōo bē-tàng tsiàu sūn-sī
年老爸爸媽媽唷 nî-lāu pá-pah má-mah--iooh 你怎樣咧過日 lí tsuánn-iūnn teh kè-ji̍t 想著 siūnn-tio̍h 我又滿腹悲傷 guá iū muá-pak pi-siong 目屎澹目墘 ba̍k-sái tâm ba̍k-kînn
↓↓---(口白)---↓↓ 故鄉時常寫批 kòo-hiong sî-siông siá-phue 更多更詳盡歌詞 在 ※ Mojim.com 魔鏡歌詞網 來叫我轉去 lâi kiò guá tńg--khì 但是我 tān-sī guá 我總毋願倒轉去 guá tsóng m̄-guān tò-tńg--khì 無論按怎樣 bô-lūn án-tsuánn-iūnn 我欲閣奮鬥落去 guá beh koh hùn-tàu--lo̍h-khì 毋相信我永遠 m̄ siong-sìn guá íng-uán 袂踏著好的機會 buē ta̍h-tio̍h hó ê ki-huē ↑↑---(口白)---↑↑
我靠著男兒意志 guá khò-tio̍h lâm-jî ì-tsì 著來出外求財利 tio̍h lâi tshut-guā kiû tsâi-lī 想袂到 siūnn buē-kàu 異鄉風霜 ī-hiong hong-song 冷凍著我的熱意 líng-tàng tio̍h guá ê jia̍t-ì
年老爸爸媽媽唷 nî-lāu pá-pah má-mah--iooh 你毋通來傷悲 lí m̄-thang lâi siong-pi 總是我也閣再努力 tsóng-sī guá iā koh-tsài lóo-li̍k 閣再拚落去 koh-tsài piànn--lo̍h-khì
看破著心愛伴侶 khuànn-phuà tio̍h sim-ài phuānn-lī 避開初戀溫柔伊 pī-khui tshoo-luân un-jiû i 甘願來流浪異鄉 kam-guān lâi liû-lōng ī-hiong 過著寂寞的春天 kuè tio̍h tsi̍k-bo̍k ê tshun-thinn
年老爸爸媽媽唷 nî-lāu pá-pah má-mah--iooh 你好好過日子 lí hó-hó kè ji̍t-tsí 等待我若踏著機會 tán-thāi guá nā ta̍h-tio̍h ki-huē 加倍孝順你 ka-puē hàu-sūn lí
- 感謝 W.B. Chen 修正歌詞
- 友站連結: W.B. Chen
|