- 歌詞
- 專輯列表
- 歌手介紹
劉福助
-
十戇
人講第一戇 食薰歕風 歕啊歕啊風啊風 雺煙散霧坱蓬蓬 第二戇 是挵球相碰 挵啊挵啊碰啊碰 敧敧硞硞𠕇鏮鏮 第三戇 是跋筊起筊狂 哎喲!朋友啊 你是第幾戇的 第四戇 是啉酒起酒悾 酒落腹內人楞楞 酒啉過頭人悾悾 第五 是食檳榔嘔紅 倒吊子的檳榔王 心臟若跳硞硞傱 汗流㴙滴起發狂 第六 是做彼號孫悟空 頭重重閣跤浮浮 親像騰雲駕霧 毋驚火車傱 彼號第七戇囉 簽彼號大家樂 聽彼號童乩烏白嗙 拜啥物有應公 拜啥物石頭公 也有跪咧灶跤 拜碗公 第八戇 是𤆬查某囡仔搧東風 有夠戇啊有夠悾 會予人怨嘆 閣兼笑倯 第九 是支票借人用 時到日到烏白傱 彼號第十戇囉 是我福助仔上蓋戇 蘭花種佇半天空 頂港下港硞硞傱 山頂山跤一直囊 買一枝牛魔王 閣買一枝花普通 花路揣甲面憂憂 白耳的一直收 矮仔看甲人倒勼 無夯欲怎樣 皺皮仔舞甲面起皺 看著擋袂牢 歸尾用甲人槌槌 譀浡看做肥 做人戇較實 人戇好過日 做人免尚𠢕 人𠢕多計較 計較無事使 福到自然來
《十戇》Tsa̍p-gōng 劉福助Lâu Hok-tsōo ------------------------------------------ 人講第一戇 lâng kóng tē-it gōng 食薰歕風 tsia̍h-hun pûn-hong 歕啊歕啊風啊風 pûn--ah pûn--ah hong--ah hong 雺煙散霧坱蓬蓬 bông-ian sàn-bū ing phōng-phōng 第二戇 tē-jī gōng 是挵球相碰 sī lòng-kiû sio-pōng 挵啊挵啊碰啊碰 lòng--ah lòng--ah pōng--ah pōng 敧敧硞硞𠕇鏮鏮 khi-khi kho̍k-kho̍k tīng-khong-khong 第三戇 tē-sann gōng 是跋筊起筊狂 sī pua̍h-kiáu khí kiáu-kông 哎喲!朋友啊 aih-iooh! pîng-iú--ah 你是第幾戇的 lí sī tē-kuí gōng--ê 第四戇 tē-sì gōng 是啉酒起酒悾 sī lim-tsiú khí tsiú-khong 酒落腹內人楞楞 tsiú lo̍h pak-lāi lâng gông-gông 酒啉過頭人悾悾 tsiú lim kuè-thâu lâng khong-khong 第五 更多更詳盡歌詞 在 ※ Mojim.com 魔鏡歌詞網 tē-gōo 是食檳榔嘔紅 sī tsia̍h pin-nn̂g áu-hông 倒吊子的檳榔王 tò-tiàu-tsí ê pin-nn̂g ông 心臟若跳硞硞傱 sim-tsōng nā thiàu kho̍k-kho̍k tsông 汗流㴙滴起發狂 kuānn lâu tsha̍p-tih khí huat-kông 第六 tē-la̍k 是做彼號孫悟空 sī tsò hit-lō Sun Ngōo-khong 頭重重閣跤浮浮 thâu tāng-tāng koh kha phû-phû 親像騰雲駕霧 tshin-tshiūnn thîng-hûn kà-bū 毋驚火車傱 m̄-kiann hué-tshia tsông 彼號第七戇囉 hit-lō tē-tshit gōng--loh 簽彼號大家樂 tshiam hit-lō dàjiālè 聽彼號童乩烏白嗙 thiann hit-lō tâng-ki oo-pe̍h pòng 拜啥物有應公 pài siánn-mih iú-ìng-kong 拜啥物石頭公 pài sí-mih tsio̍h-thâu-kong 也有跪咧灶跤 iā ū kuī teh tsàu-kha 拜碗公 pài uánn-kong 第八戇 tē-peh gōng 是𤆬查某囡仔搧東風 sī tshuā tsa-bóo-gín-á siàn tang-hong 有夠戇啊有夠悾 ū-kàu gōng--ah ū-kàu khong 會予人怨嘆 ē hōo-lâng uàn-thàn 閣兼笑倯 koh kiam tshiò sông 第九 tē-káu 是支票借人用 sī tsi-phiò tsioh lâng iōng 時到日到烏白傱 sî--kàu ji̍t--kàu oo-pe̍h tsông 彼號第十戇囉 hit-lō tē-tsa̍p gōng--loh 是我福助仔上蓋戇 sī guá Hok-tsōo--á siōng-kài gōng 蘭花種佇半天空 lân-hue tsìng tī puànn thinn-khong 頂港下港硞硞傱 tíng-káng ē-káng kho̍k kho̍k tsông 山頂山跤一直囊 suann-tíng suann-kha it-ti̍t long 買一枝牛魔王 bé tsi̍t-ki gû-môo-ông 閣買一枝花普通 koh bé tsi̍t-ki hue phóo-thong 花路揣甲面憂憂 hue-lōo tshuē kah bīn iu-iu 白耳的一直收 pe̍h-ní--ê it-ti̍t siu 矮仔看甲人倒勼 é-á khuànn kah lâng tò-kiu 無夯欲怎樣 bô giâ beh tsuánn-iūnn 皺皮仔舞甲面起皺 jiâu-phuê-á bú kah bīn khí jiâu 看著擋袂牢 khuànn-tio̍h tòng buē-tiâu 歸尾用甲人槌槌 kui-bué iōng kah lâng thuî-thuî 譀浡看做肥 hàm-phu̍h khuànn-tsò puî 做人戇較實 tsò-lâng gōng khah si̍t 人戇好過日 lâng gōng hó kuè-ji̍t 做人免上尚𠢕 tsò-lâng bián siunn gâu 人𠢕多計較 lâng gâu to kè-kàu 計較無事使 kè-kàu bô-sū-sái 福到自然來 hok kàu tsū-jiân lâi
-
|